-->
MAKALAH
BASA JAWI
PRANATACARA
Dipundamel Kagem
Njangkepi
Tugas Basa Jawi
Dening :
Anik Okvitasari K. ( 02 )
Catur Apin Subekti ( 04 )
Risqilaily Fajriani ( 15 )
Laily Ulandaru ( 24 )
Kelas : XI A2
SEKOLAH MENENGAH ATAS
NEGERI 1 JETIS BANTUL
YOGYAKARTA
2011
ATUR
SESORAH ( PIDATO )
Assalamu’alaikum
Wr. Wb.
Nuwun,
Para rawuh sedaya
ingkang kula kurmati lan para siswa-siswi SMA N 1 Jetis ingkang kula tresnani.
Mangga langkung rumiyin kula dherekaken sami angaturaken puji lan syukur ing ngarsaning
Gusti Allah SWT ingkang sampun paring kathah rahmat, hikmat, saha hidayah
dhateng kula lan panjenengan sedaya, satemah kula lan panjenengan saged rawuh
wonten ing Pengetan Dinten Bebas Merokok samenika.
Para rawuh ingkang
kinurmatan, dinten menika kula lan panjenengan sedaya sami mengeti dinten Bebas
Merokok Sedunia. Tentunipun sedaya kawula sak indenging jagad kedah gumyak
gumbira supados mboten ngeses utawi merokok wonten ing dinten menika.
Piyantun-piyantun ingkang kapingin sehat sak mestinipun mangertos bebayaning
tiyang ngeses. Kados dene SMA N 1 JETIS menika, sampun nyanangaken angen-angen
“Lejar Ngeses” wonten sak kupenging sekolah ngantos sak menika.
Samubaran panaliten
mbuktikaken menawi ngeses membayani tumrap kasarasan, ngeses angganggu mergine
ambegan, nyebabaken licalipun ilange kekajengan dhahar, raos seneb, ambegan
menggos-menggos ugi saget anjalari jantung risak, kanmongko sampun dipun
mangertosi bilih ngeses anjalari gerah kronis malah saged ndadosaken tiwas jiwa
lan raga. Perokok ugi gadhah peluang ageng kenging kanker paru-paru,
tenggorokan, lan sak panunggalanipun. Ugi saged kenging emfisema lan bronkitis.
Kendunganipun asep
rokok sanget membayani tumrap kasarasan, kayatanipun nikotin, senyawa
pirimidin, amonia, karbondioksida, karbon monoksida, asam organik, keton,
aldehid, saha tar. Sedaya zat kalawau anggadhahi sipat angganggi membran lendir
ingkang wonten ing saluran pernapasan.
Mila kula panjenengan
sedaya, ayo sami mberantas rokok wonten ing sakiwa tengenipun kula panjenengan
sami, mboten ngantos rokok ngrisak kesarasanipun kula panjengenan sami.
Mekaten ingkang saged
kula aturaken, mugi saged ngampil hikmahipun saking atur kula kalawau. Sedaya
kelepatan lan kekirangan kula, kula nyuwun agenging pangapunten dhateng
panjenengan sami,
Matur nuwun.
Billahitaufiq walhidayah.
Wassalamu’alaikum Wr.
Wb.
ATUR
MINANGKA PANITIA
Assalamu’alaikum Wr. Wb
Nuwun, para rawuh
kakung putri ingkang kula kurmati, ugi Bapak Ibu Guru ingkang satuhu
kinurmatan, saha siswa-siswa SMA N 1 JETIS ingkang kula tresnani. Langkung
rumiyin sumangga kula dherekaken sami angaturaken puji syukur kepareng
dhumateng ngarsanipun Gusti Allah SWT ingkang sampun kepareng paring kanugrahan,
kanikmatan saha rahmat dhateng kula pankenengan saged sedaya satemah dinten
punika kula panjenengan saged sami mengeti dinten Bebas Merokok Sedunia wonten
ing SMA N 1 JETIS menika.
Para rawuh, dinten
menika kula panjenengan sami mengeti dinten Bebas Merokok, satemah kula
minangka Ketua Panitia saking OSIS ngawontenaken acara menika kangge mangertosi
perlunipun nebihi ngeses wonten sak bendinanipun, amargi ngeses saged ngrisak
kasarasaning badan ugi saged ndadosaken tiwasing badan utawi puncaping nyawa.
Ngengingi bebayanipun ngeses sak lajengipyun badhe rawuh Dinas Kesehatan ingkang
badhe maringi ular-ular dhumateng kula panjenengan sedaya.
Nanging, saderengipun
andharan kaparingaken, kula perlu ngaturkaen panuwun dhateng panjenegan sedaya
dene sampun sami keparengan rawuh wonten ing acara menika, perlu tolabul
ngelmi, ngangsu tetuladan utami, ugi matur nuwun dhumateng piyantu-piyantu
ingkang sampun sami mbiyantu kangge ngawontenaken pengetan punika, mugi-mugi
kaparingan piwelas dening Allah SWT sak kathah-kathahipun. Amin.
Dhumateng Bapak Drs. H.
Catur Apin Subekti, minangka perwakilan Dinas Kesehatan kula ugi ngaturaken
panuwun ingkang tanpa upami, dene Bapak sampun keparengan rawuh paring wewarah
dhumateng kula panjenengan sedaya.
Para rawuh, mangga
pengetan Dinten Bebas Merokok menika sami dipun wiwiti.
Kula mingangka panitia nyuwun
pangapunten menawi kathah kalepatan lan kirang subasita wonten ing penggalih
penjenengan sami, cekap semanten atur kula.
Wassalamu’alaikum Wr.
Wb.
0 komentar:
Post a Comment